網絡熱話丨公司加$1萬人工邀請去1地方「開荒」　28歲單身港男陷兩難：去唔去做？

不少人都會趁年輕去闖一闖，擴闊眼界。有月入3萬元、單身的28歲港男發文稱，近期公司想開發新市場，要求他到一地方做「開荒牛」，並稱會加1萬元人工，另外提供住宿安排。港男為此感到十分苦惱，於是網上求救，網民分為兩派，有人認為加1萬不夠吸引，加上考慮到工作地點的衛生、安全問題，表示不值得一博；另一派則認為年輕人出去闖是好事，對此十分支持。

最新影片推介

該名男網民向Facebook專頁「奴工處」投稿，稱自己月入3萬，剛巧公司想開發印度市場，於是打算加人工1萬元，著男網友前往做「開荒牛」，並會提供住宿安排。而他目前單身，對於是否接受公司安排仍在考慮之中，未能作出決定，於是詢問網民意見。

▼點擊圖片放大

帖文一出瞬即成為熱話，網民意見分為兩派，有人認為加薪幅度太少，不值一博，「一倍就值得考慮嘅」；有網友擔心兩地文化差異和治安問題，「唔講飲食，同印度人相處過，10個11個都話難相處，文化差異嚟，真係要適應」、「我諗師兄要考慮一下自己嘅消化系統承唔承受得住」、「我以前有同事印度人，問過佢印度嗰面點，連佢住城市嘅，入夜開始都唔敢出去」、「空氣污染極其嚴重，去咗短幾年命，自行考慮清楚」。

不過亦有人贊成該事主外闖，「認真，我如果係28歲無拍拖一定會去」、「後生梗係搏，向前看，多一萬蚊雖然唔係多，但你諗下你係香港要一下子揾份工多一皮嘢，都唔容易」、「信我，你得到嘅經驗值超過佢加你嘅人工好多，放心去吧」。

💯備戰考試季！立即下載免費試題👉🏻【中英數常識試題下載】

下載HKET App，追蹤TOPick WhatsApp頻道，睇全方位資訊：

【全港中小學選校資訊】 【名校專區升學攻略】

【兒童健康百科】 【職場文化智慧】 【家事百科全書】

責任編輯︰王明芳